15:06 26.08.2012
32-ամյա Կառա Լալայանին մինչեւ 2 տարվա ազատազրկում է սպառնում սուտ մատնության համար: Այս մասին TVKET-ը տեղեկացավ Դատական Դեպարտամենտի պաշտոնական կայքէջից:
Նրան մեղադրանք է առաջադրվել, որ նա գիտակցելով, թե իր տրամադրած տեղեկությունը կեղծ է, մտածածին, միջին ծանրության հանցագործության վերաբերյալ 2012թ. ապրիլի 2-ին գրավոր հաղորդում է տվել ոստիկանության Նոր Նորք բաժին, թե Արսեն Մարգարյանը 2011թ. դեկտեմբերի 30-ից մինչեւ 2012թ.մարտի 30-ը իր 13-ամյա անչափահաս երեխային ստիպել է մուրացկանությամբ զբաղվել` ստանալով նրանից օրական մոտ 20 հազար ՀՀ դրամ գումար:Գործը քննվում է Ավան եւ Նոր-Նորք մարաշ վարչական շրջանների ընդհանուր իրավասության դատարանում: Լալայանին մեղադրանք է առաջադրվել ՀՀ քրեական օրենսգրքի 333 հոդվածի 1-ին մասով`հանցագործության մասին սուտ մատնությունը, եթե անձը գործել է` գիտակցելով, որ իր տրամադրած տեղեկատվությունը կեղծ է` պատժվում է տուգանքով` նվազագույն աշխատավարձի 200-400-պատիկի չափով, կամ կալանքով` 1-3 ամիս ժամկետով, կամ ազատազրկմամբ` առավելագույնը 2 տարի ժամկետով: Ներկայումը նրա նկատմամբ ստորագրությամբ չհեռանալու մասին խափանման միջոց է ընտրվել: Իսկ երեխան ուղարկվել է ՀՕՖ-ի Երեխաների աջակցության կենտրոն:Աննայի սուտ մատնության արդյունքում Արսենը ամենայն հավանականությամբ կդատապարտվեր ՀՀ քրեական օրենսգրքի 132 (Մարդու թրաֆիքինգը կամ շահագործումը) հոդվածով եւ կազատազրկվեր 5-8 տարի ժամկետով: Բարեբախտաբար ոստիկանության ձեռնարկված օպերատիվ-հետախուզական եւ քննչական միջոցառումների արդյունքում պարզվել է, որ Կառայի հայտարարությունը իրականությանը չի համապատասխանում: Իրականում Արսենի հետ Կառան ծանոթացել էր 2011-ի օգոստոսին մինչեւ Արսենը ունեցած մեկ այլ սիրեկանի միջոցով: Կառայի նախկին սիրեկանը նրանց ծանոթությունից հետո որոշ ժամանակ անց ժամանակավոր հեռանում է Հայաստանից եւ Արսենից խնդրում, որ Կառային եւ նրա երեխային ուշադիր լինի: Սակայն այդ ուշադրության արդյունքում Արսենը դառնում է Կառայի նոր սիրեկանը:Բայց իհարկե, ժամանակավոր, քանի որ Կառան սովորության համաձայն շուտ է հիասթափվել տղամարդկանցից, իսկ Արսենը այս դեպքում բացառություն չէր, որքան էլ ուշադիր է եղել Կառայի եւ նրա անչափահաս դստեր նկատմամբ եւ հոգացել է վերջիններիս ապրուստը: Ավելին` Կառան 13-ամյա աղջնակին եւս ստիպել է կեղծ ցուցմունք տալ եւ հաստատել, թե Արսենը իրեն ստիպել է զբաղվել մուրացկանությամբ եւ հասույթը մինչեւ 20 հազար դրամ վերցրել իրեն: Սույն գործը նոր է սկսել քննվել դատարանում եւ հերթական դատական քննությունը նշանակվել է 2012թ-ի սեպտեմբերի 5-ին:
Հ.Գ Հաշվի առնելով սույն գործի հնչեղությունը գործում ներգրավված տուժողների եւ մեղադրյալի անուն ազգանունները փոխված ենք ներկայացրել:
հայաստան
